بعد فشل تجربة "شكيوة لهرار"//استهداف رئيس الجهة من خلال صفحة "نخبة لهرار" الوهمية!!؟

المركز الأطلسي الصحراوي للإعلام و أبحاث مكافحة الفساد و تحليل السياسات

السياسي الفاشل لي كان كينقز بينات لحزاب وبغا يغدر رئيس ديال الجهة بالانتخابات وعاق بيه…هاهو كيغالط بلا حشما و ينشر الاكاذيب عبر صفحة وهمية تافهة…كما هو الحال مع محاولته تحميل رئيس الجهة المسؤولية عن الافتراس الممنهج الذي يتعرض له الوعاء العقاري بالداخلة من طرف لوبيات السلطة المفترسة و على رأسها مسؤول نافذ بالولاية و مديرية الاملاك المخزنية و الوكالة الحضرية…

ايوا الله يعطينا وجاهكم…راه كاين واحد المثل كيقول تبع الكذاب حتا لباب الدار…انت قلتي عبر صفحتك الوهمية بلي مجلس ديال الجهة غير كاري هدا المنتزه من عند الاملاك المخزنية يعني مشي ديال مجلس الجهة وهدا شكيعني كيعني بلي مجلس الجهة ما عندوش حق التصرف في تدبير العقار هو كيخلص هذاك شي لي كيستغل وملي الادارة ديال املاك الدولة بغات تنقص هاديك المساحة لي هيا كارياها للجهة راه من حقها حيت هيا المالك كيفاش بغيتي مجلس ديال الجهة قلتي يتنازل واش التنازل كيكون على شي حاجة انت كتملكها مشي كاريها هادابا كدبتي هنا وهدا كيعني انت عندك موقف شخصي و سياسي راه باينا…

من جهة ثانية، مجلس الجهة ملي دار طريقة ديال تحيين عقد الكراء دار الطريقة الصحيحة بالقانون حيت المساحة تغيرت راه نقصت وغادي ينتقص التمن فين عندك المشكل السؤال لي خصك تقول علاش ما كتبتي على دائرة الاملاك المخزنية علاش بغات تخصص شي طرف من المنتزه لشي غرض تاني…ماتقدرش يا الجبان…عارف علاش ؛ حيت عارف بلي هداك من حقها حيت هيا المالكة والدولة هيا لي تدبر الوعاء العقاري ديال المدينة و الجهة كاملة.. 

والسبب هو ان الجماعة ديال الداخلة ملي كنتي انت رئيس ديالها واحد خطرا ما حفظتيش الارض ديال الجماعة وخا انت زعما ولد الداخلة و تدعي الثقافة ولكن استخدمتي النفود ديالك باش اتفوت واحد دار باسميت الدولة بسميتك ودابا رديتها فندق كيفاش درتيها الله اعلم !!!؟

صراحة كاين بزاف ميتقال عليك والمشكل كاينا وثائق كتثبت هداك شي بلا ماتزايد على مجلس الجهة حيت واحد ادارة ديال الدولة بغات تنقصليه المساحة لي هيا كارياهاليه العيب والعار لكان فوتها فسميتوا او تملكها بحال ما درتي انت معا دار الدولة وبحال مدرتي معا شي ارض حطيتي ضوسي ديالها بلي انت غادي ادير واحد مشروع استثماري اخدم اولاد لمدينا غير شديتي الارض وانت اتبيعها بثلاثة مليون درهم درتي بيه واحد العرس ايوا احشم شويا راه انت مشي مؤهل باش تهدر في الدفاع عن الساكنة راه وليتي كارت محروق…و عيش الواقع المر ديالك….

يتبع….